● 郭 富 城 與 鄭 秀 文 分 別 有 七 首 及 五 首 歌 入 選 ， 勝 券 在 握 自 然 笑 逐 顏 開 啦 ！

● 陳 曉 東 小 心 翼 翼 ， 擔 心 「 行 差 踏 錯 」 ， 故 一 於 靠 邊 。

港 台 昨 公 布 「 第 廿 一 屆 十 大 中 文 金 曲 十 大 金 曲 獎 」 候 選 名 單 ， 其 中 以 郭 富 城 最 犀 利 ， 有 七 首 歌 曲 入 選 ； 女 歌 手 方 面 則 以 鄭 秀 文 最 搶 鏡 ， 擁 有 五 首 入 選 歌 曲 。

不 知 是 否 因 上 次 記 者 會 被 指 「 重 男 輕 女 」 兼 「 大 細 超 」 ， 所 以 昨 日 大 會 特 別 安 排 女 歌 手 和 新 歌 手 坐 在 前 排 ， 天 王 級 如 Leon和 城 城 則 坐 後 排 ， 不 過 是 次 選 舉 總 監 梁 繼 璋 當 然 例 牌 否 認 啦 ！ 過 去 陳 曉 東 被 指 是 「 攝 石 人 」 ， 昨 日 他 明 顯 地 企 埋 一 邊 ， 就 算 大 合 照 時 前 排 仍 有 一 大 個 空 位 ， 他 亦 等 司 儀 點 名 邀 請 ， 才 敢 行 過 去 。 他 上 台 前 還 打 趣 說 ： 「 今 日 真 係 要 睇 清 楚 自 己 應 該 坐 邊 先 。 」

花 名 令 鄭 秀 文 豁 達
東 東 對 於 在 新 城 的 候 選 名 單 上 無 名 ， 他 說 ： 「 『 人 氣 獎 』 又 唔 係 得 我 一 個 人 冇 份 入 選 ， （ 其 他 獎 項 都 冇 ， 覺 唔 覺 得 被 負 面 新 聞 所 累 ？ ） 其 實 我 今 年 有 好 多 正 面 新 聞 ， 可 能 少 人 留 意 到 之 嘛 ！ 」

至 於 城 城 就 一 於 好 少 理 ， 自 Leon因 拍 MTV趕 住 走 之 後 ， 他 更 穩 守 企 正 人 群 中 間 的 天 王 地 位 ， 反 而 天 后 Sammi就 愈 企 愈 後 ， 莫 非 她 怕 被 指 「 攝 」 位 ？ 「 大 合 照 張 相 個 個 人 頭 鬼 咁 細 ， 爭 做 乜 ！ 其 實 被 冠 以 難 聽 花 名 ， 對 歌 手 好 唔 公 平 。 （ 你 都 試 過 ， 所 以 感 同 身 受 ？ ） 呢 負 面 新 聞 只 會 令 我 更 進 步 ， 更 加 豁 達 。 」 Sammi笑 笑 說 。

城 城 唔 使 賠 俾 嘉 禾
最 多 歌 入 圍 的 城 城 ， 今 年 在 電 影 方 面 卻 只 得 一 部 《 風 雲 》 較 突 出 。 記 得 兩 年 前 嘉 禾 簽 城 城 ， 有 指 酬 勞 是 兩 年 四 部 片 ， 約 共 得 一 千 三 百 五 十 萬 片 酬 ， 然 而 他 明 年 一 月 合 約 屆 滿 ， 卻 只 拍 了 《 風 雲 》 和 《 浪 漫 風 暴 》 兩 片 ， 在 不 打 算 續 約 下 ， 剩 餘 兩 部 片 約 豈 不 要 向 嘉 禾 作 賠 償 ？

城 城 昨 日 表 示 ： 「 合 約 呢 樣 好 複 雜 ， 唔 可 以 三 言 兩 語 去 講 ， 但 唔 使 擔 心 ， 係 唔 使 賠 錢 ！ 我 同 嘉 禾 合 作 好 愉 快 ， 就 算 唔 續 約 ， 將 來 有 機 會 可 能 以 部 頭 形 式 合 作 。 」

至 於 徐 克 正 計 畫 開 戲 ， 拉 城 城 夥 拍 日 本 當 紮 小 生 竹 野 內 豐 ， 城 城 表 示 目 前 只 是 初 步 接 觸 。