郭富城笑稱紀香身懷一腳踢死人絕技

圖1：城城爆紀香姐的keep fit秘方，唔驚俾人鬧咩？

圖2：城城最近仍積極練拳。

圖3：城城不忘同fans握手。

圖4：城城為海報簽名，小美當然從旁協助啦！

郭富城出席《郭富城國際慈善基金拍賣》時，出賣了拍檔藤原紀香，將她的
健美秘方公諸於世，城城（郭之暱稱）還提醒各姊妹，如果要有藤原的健美身
材，就必須與她一樣，多做划艇及踩樓梯機的運動。

城城今日專誠放下電影工作，由上海返港。問他紀香是否如報道所講般非常大
食，城城說：「唔係呀！反而覺得佢好隨和，同大家一起食大鑊飯。」城城覺
得紀香雖然鍾意食，但每個星期都會做運動，還表示紀香說了一個秘密給他
聽，但不知道可否說出來。

城城想了片刻，便將紀香的健美秘訣說了出來：「紀香其實每星期做三次運
動，主要係划艇及踩樓梯機，所以身材先咁健美，如果女士們都想健美就學
佢，做多點運動。」

另外，今次拍攝《雷霆戰警》主要是以打為主，當中紀香亦有不少踢腿的鏡
頭，城城還笑言在唐季禮的指導下，紀香已學會了借助腰胯的旋轉而令出腿更
有力，城城更笑言紀香一腳隨時可以踢死人。

至於城城仍然每日勤於練拳，事關導演唐季禮覺得他可以做得更好，只是一直
沒有人糾正錯處。而戲中城城與紀香飾演一對情侶，所以兩人沒有對打的機
會。

採訪、撰文：Iris／攝影：蕃薯

Courtesy: Show8 Entertainment