同 你 吟 一 吟： 郭 富 城 好 心 也 專 一 車 ， 郭 富 城 有 好 多 ， 波 子 、 法 拉 利 、 Benz ， 總 之 架 架 飛 得 。 女 人 ， 加 拿 大 鍾 麗 緹 、 日 本 藤 原 紀 香 、 國 產 李 冰 冰 … … 本 地 薑 無 份 。 但 原 來 郭 富 城 好 專 一 ， 唔 係 話 佢 最 愛 百 事 ， 而 係 每 次 去 親 跑 馬 地 ， 都 見 到 佢 彭 慶 記 開 餐 ， 好 似 飯 堂 咁 。 不 過 ， 城 城 每 次 都 好 似 去 街 換 衫 咁 ， 唔 同 車 ， 飯 腳 亦 次 次 唔 一 樣 。 上 個 月 十 五 號 ， 佢 波 子 GT2 同 靚 靚 袁 詠 儀 撐 腳 。 城 城 同 靚 靚 男 友 張 智 霖 係 波 友 ， Chi Lam 要 開 工 拍 《 西 關 大 少 》 ， 陪 阿 嫂 食 飯 ， 夠 晒 朋 友 。 六 月 三 號 星 期 二 晚 ， 城 城 又 落 飯 堂 醫 肚 ， 九 點 幾 ， 門 口 出 面 仲 有 大 把 人 等 位 ， 咬 緊 米 佢 忽 然 由 鋪 頭 撲 出 街 ， 原 來 有 差 佬 趕 車 ， 城 城 第 一 時 間 走 佢 架 Benz SL600 慳 番 三 百 二 。 隔 兩 日 ， 六 號 星 期 五 ， 又 見 到 城 城 同 排 舞 師 Sunny 、 經 理 人 小 美 幫 襯 彭 慶 記 ， 今 次 城 城 食 得 好 安 樂 ， 事 關 佢 坐 保 母 車 ， 食 完 司 機 送 返 屋 企 ， 唔 使 怕 差 佬 抄 牌 ， 影 響 消 化 。 彭 慶 記 食 乜 ？ 主 打 廣 東 順 德 菜 ， 價 錢 有 平 有 貴 ， 但 肯 定 有 城 城 最 愛 魚 翅 。 點 都 好 啦 ， 食 得 咁 專 一 ， 唔 知 以 為 間 鋪 頭 佢 有 股 份 咋 ！ 經 理 人 小 美 落 場 監 督 ， 城 城 食 完 飯 十 一 點 幾 就 坐 保 母 車 返 屋 企 。 城 城 同 靚 靚 食 飯 ， 不 過 ， 佢 架 波 子 GT2 靚 靚 就 無 份 坐 。 食 食 ， 差 佬 掃 街 ， 城 城 速 速 走 佢 架 Benz 跑 ， 梗 係 ， 三 百 二 可 以 食 多 盅 翅 ！