郭富城左眼中招 差點瞎掉
拍戲被黑帶高手指頭插中 眼白血紅 幸未傷及眼珠
|
城城起程前一晚，仍通宵拍攝《柔道龍虎榜》。記者到場時發現他左眼受傷，眼白血紅，十分嚇人，他說：「前兩日同黑帶高手對打，對方武術根底太厚，絕對係一個武林高手，佢一招打埋，自己避唔到，唔覺意畀佢手指插中隻眼，痛到狂流眼水。」
為免阻礙電影進度，城城堅持負傷繼續拍攝，收工後才趕往醫院睇急症，他說：「醫生話好彩只係插中眼白，如果插中眼珠就一定盲。（成日受傷怕唔怕？）拍戲避都避唔到，人唔係有心，最緊要做好本分，唔擔心得咁多。」
由於眼睛受傷，城城4日在上海全程戴黑超。他一落機即到健身室做gym，鍛鍊體能，之後又急不及待到車場視察環境，期間感到左眼愈愈痛，嚇到他立時打長途電話向醫生求救。
城城說：「醫生叫我唔使咁擔心，因為係新傷口，痛係正常反應，叫我繼續滴眼藥水。（驚唔驚影響賽事？）相信影響唔大，其實我除眞左眼受傷之外，隻手傷得仲緊要，又腫又痛，擔心會影響扭靈活性，而且賽車時風力好強，又有風沙，怕會再傷到隻眼，所以要加強面罩保護，封晒成塊臉。」
2004-06-05