| 2004-06-18 《重案黐孖Gun》巡迴宣傳 | 北京 |
|
《重案黐孖Gun》巡迴宣傳 藝人：郭富城、Yumiko 地點：北京 時間：2004-06-18 寰宇電影《重案黐孖GUN》將於6月24日於全國及香港同步公映，主角郭富城同鄭希怡於星期三展開為期兩日嘅國內宣傳，走勻北京、上海及廣州三個地方，吸引過千傳媒到場採訪，所到之處都擠滿哂捧場嘅Fans，魅力攻陷全國。 面對過千記者，見慣大場面嘅Aaron依然氣定神閒，相反Yumiko就好緊張，連有記者提問都要Aaron陪佢答。不過Aaron都老猫燒鬚講錯嘢搞到笑料百出，有國內傳媒問Aaron將來係咪會專注拍電影，Aaron原本想話自己一向都唔係多產嘅演員，點知就講咗：「我係一個小產嘅演員。」，搞到在旁嘅Yumiko即刻忍唔住大笑，Aaron即刻補充係重質唔重量咁解。 今次Aaron返國內宣傳真係艷福不淺，除咗有女主角Yumiko同行之外，係上海仲會合埋另一位靚女鄔玉君，Aaron仲要兩個靚女扮「邦女郎」陪佢出場，自己就做占士邦，擺出一個勁型嘅Pose，連在場嘅記者都忍唔住大讚Aaron型仔。 Aaron同Yumiko兩日走三地宣傳，又要做訪問、又要上電視台錄影真係連食都無啖好食，Yumiko終於都忍唔住，臨飛去廣州之前專登打包了幾籠奶黃包上機食，Aaron見到又唔抵得，又要叫外賣上機食，最終搞到成班人係飛機上歎茶、一盎兩件，非常搞笑。 Credit Line: Tungstar / Ken |