搶郭富城個唱門票 歌迷紮營過夜
開售情況熱烈 主辦單位準備加場
|
15日門票公開發售三小時後，門票已被搶購得七七八八，最便宜的一百元山頂飛已差不多售罄，最貴的四百元門票，亦只賣剩一、兩行，令到主辦單位耀榮娛樂的負責人張耀榮馬上四處撲紅館的檔期預備加場。張生開心地說：「只係賣眞三個鐘就有咁成績，證明城仔在舞台上吸引力，係有番斤兩。」
至於是否有計畫加場？張生雀躍地說：「梗係好想加啦，而家諗緊辦法，根本飛都唔夠畀贊助商，個個猛叫加飛，真係唔知點算。紅館又冇期，有諗過移師到灣仔會展，但個台又太細，城城咁多大型舞蹈，會展舞台會唔夠用，搞到我頭都大晒！」
城城完成日前的演唱會記者會後，馬上起程到大陸為巡迴演唱會宣傳，他在大陸宣傳期間獲悉門票反應熱烈之喜訊後，十分開心。
2004-09-16