壹週刊

探熱針
順德開 Show 　郭富城又買法拉利

最近郭富城豬籠入水，上星期六（六月三日）在順德展開首站國內巡迴演唱會，隨後會在大陸超過八個地方舉行個唱，袋穩八百萬。

另外，城城亦決定與效力十年的華納唱片分開，以半億天價過檔到小小超李澤楷準備大搞的「大國文化」，簽約三年，並計劃做五十場演唱會及歌舞劇。

賺得多當然會身痕搵買，一向鍾意收集靚車的城城，就一擲三百多萬訂了一部限量版紅色法拉利 F430 Spider 開篷跑車，新玩具下月中便抵港。

四百萬買車

一向對名車情有獨鍾的郭富城，今年初又以接近港幣四百萬訂購紅色法拉利 F430 Spider 限量版開篷跑車，累積收藏：法拉利四部、林寶堅尼三部、保時捷兩部及一部 Benz ，車隊總數量達十部之多。

據了解，新玩具車價只需二百九十八萬八千，但城城換了一套大呎碼碳陶瓷透氣碟配制動卡鉗，四個十九吋輪圈連胎，炭纖內籠，再加兩張真皮桶形跑車坐椅，單是這幾個附加項目已經接近百萬。

事實上，要買 F430 Spider 唔係有錢就得，一般訂單都要等兩年，但城城只需半年就到手，全因為他買法拉利買到熟，已經被列為 VIP ，所以獲得優先。

提到新車，城城未先興奮，「呢部車係我今年心水，加上我想擁有一架開篷法拉利，好期待快可以。其實好多人覺得買車係奢侈品，但係呢個係我嗜好，好似有人鍾意集郵買古董，我就鍾意收藏靚車，而且我買車大部分都係限量版，可以保值唔會跌價。」

濕晒
雖然表演時無落過一滴雨，但城城全程勁跳，一樣搞到全身濕透，汗水仲滴到下體濕了一笪。

過檔收半億

自從城城上年奪得「金馬影帝」事業得到反彈，最近仲落實簽約小小超李澤楷旗下的「大國文化」，收五千萬酬勞賣身三年，除了出唱片外，更會做五十場演唱會及歌舞劇。買架新車鼓勵自己，亦不為過。

上星期六（三日），城城在順德室外體育場進行「郭富城舞台寶典＠飛赴中國舞林演唱會」首站演出，雖連日來當地不斷落雨，主辦商更預先準備萬五件雨褸派給現場觀眾，但開騷前半小時，突然停雨。城城說：「都係因為我彩排陣跪度求個天唔好落雨咋。」

天公造美，城城當晚心情勁靚，一出場就狂扭自下體，辣全場觀眾，當唱到《狂野之城》時又扯開外套露點捽胸。

狂捽
城城唱《狂野之城》 high 到自摸捽胸。

吊高四十呎企鏡波上吹色士風，城城唔肯扣安全帶之餘，仲越行越出，相當危險。

袒胸

今次城城國內巡迴雖然以上年香港的演唱會做藍本，但舞台由四面台重新設計改為三面台，落重本增設大量新機關，加上城城呢招袒胸向天露點，吸引唔少主辦機構搵他到其他地方做巡迴。

辣順德人

演唱會除了火辣場面外，仲有驚險場面，其中一部分城城要企在一個大型鏡波上面，然後吊高四十呎，但由於沒有任何安全措施，城城企在鏡波上拗晒身吹色士風，加上現場風大，吹到個鏡波郁郁，嚇到現場班觀眾 V 嘩鬼叫。

待世界盃結束後，城城將會繼續展開國內巡迴個唱，已落實地點包括上海、佛山、廣州等超過八個地方，估計收入會達千萬。

彩排期間不停落雨，城城吊到半空無晒心機。