擁 千 萬 跑 車 興 奮 ！
城 城 幽 靈 之 子 首 航 齋 載 靚 女
郭 富 城 前 晚 接 過 千 萬 元 的 意 大 利 跑 車 Pagani Zonda F ， 自 稱 鑽 石 王 老 五 的 他 直 指 這 部 幽 靈 之 子 是 趕 絕 外 母 型 的 跑 車 ， 且 首 名 乘 客 必 須 是 美 女 ， 可 惜 苦 無 對 象 ， 還 唱 出 「 愈 問 愈 想 有 」 來 表 達 他 恨 拍 拖 的 心 情 。 郭 富 城 豪 擲 過 千 萬 元 購 下 有 幽 靈 之 子 稱 號 的 意 大 利 跑 車 Pagani Zonda F ， 前 晚 他 到 九 龍 灣 在 車 廠 老 闆 兼 設 計 師 Horacio Pagani 手 上 接 過 名 車 ， 又 獲 車 廠 頒 發 亞 洲 超 級 車 主 獎 狀 ， 心 情 喜 悅 的 城 城 以 英 語 表 示 擁 有 這 架 車 令 他 十 分 興 奮 。 「 有 限 錢 」
城 城 購 買 的 黑 色 Pagani Zonda F 車 價 600 萬 ， 連 稅 達 1,200 萬 ， 他 透 露 現 時 擁 有 10 架 名 車 ， 部 份 放 在 車 廠 打 理 。 問 他 是 否 花 費 甚 大 ， 城 城 說 ： 「 有 限 錢 ， 我 真 係 唔 係 大 口 氣 ， 我 好 低 調 ， 今 次 車 都 係 個 設 計 師 特 登 過 ， 我 覺 得 好 有 意 義 。 」 我 買 車 係 經 過 公 司 會 計 師 批 准 ， 我 一 年 養 車 費 連 保 險 接 近 100 萬 。 」
問 城 城 第 一 個 是 否 載 母 親 ， 他 笑 說 ： 「 唔 會 ， 我 好 坦 白 ， 呢 架 車 當 然 要 車 美 女 ， 但 我 未 有 對 象 ， 邊 個 願 意 坐 我 都 會 車 。 最 好 係 好 鍾 意 車 朋 友 ， 呢 架 車 係 趕 絕 外 母 型 。 」
提 到 可 會 在 一 個 月 內 找 得 美 女 試 車 ， 城 城 說 ： 「 我 真 係 冇 信 心 ， 我 唔 介 意 人 話 我 係 鑽 石 王 老 五 。 」
車 睇 心 情
提 到 城 城 早 前 曾 被 拍 得 接 載 一 名 被 指 是 翻 版 藤 原 紀 香 的 女 子 出 遊 ， 問 他 可 會 再 找 對 方 試 車 ， 城 城 說 ： 「 我 唔 車 翻 版 ， 只 車 正 版 。 」 城 城 謂 找 女 友 都 講 緣 份 ， 早 前 紀 香 生 日 也 有 電 郵 賀 卡 給 對 方 ， 但 又 忽 然 風 騷 謂 感 情 事 不 再 回 答 ， 又 唱 道 ： 「 愈 問 愈 想 有 。 」
此 外 ， 玩 具 大 王 蔡 志 明 千 金 蔡 嘉 敏 表 示 沒 有 訂 購 該 款 新 車 ， 不 過 兩 父 女 都 是 愛 車 之 人 ， 家 中 已 有 30 架 名 車 ， 全 部 停 泊 在 停 車 場 ， 她 說 ： 「 單 係 養 車 一 個 月 都 要 10 萬 ， 全 部 車 總 值 過 億 ， 我 爸 爸 鍾 意 儲 古 董 車 ， 我 睇 天 氣 同 心 情 先 會 決 定 乜 車 出 街 。 」 採 訪 ： 駱 華 齡 攝 影 ： 陳 志 嵐
城 城 拿 到 名 車 後 ， 坦 言 處 男 航 不 會 接 載 阿 媽 ， 只 願 接 載 美 女 朋 友 。
城 城 這 部 逾 千 萬 的 名 車 終 於 到 手 ， 自 是 急 不 及 待 坐 上 車 。
城 城 從 車 廠 老 闆 兼 設 計 師 Pagani （ 右 ） 手 中 接 過 名 車 後 ， 即 開 香 檳 慶 祝 。
蘋 果 日 報 Apple Daily Online