一直有指會以天價半億簽約大國文化的郭富城，昨日在四季酒店以7位數字豪搞加盟發布會，盡顯其舞台王者的氣派。城城被指加入新公司後，銳意作新嘗試演出音樂劇，不過亦因此而有傳劉德華要比城城快一步演出音樂劇，對於這說法城城坦言不介意華仔先演，但揚言要在45歲前會做到音樂劇。同時，華仔昨日現身電台時表示，演舞台劇現仍在商討階段，亦謂城城可以演先。
【新報訊】記者早兒報道﹕發布會以銀色作主題，找來鄭裕玲當司儀。李進在台上稱視城城為「鎮山之寶」，小美則說發布會舉行前12小時她已在會場打點，可見她對城城這次加盟盡力至極。
會場上更播放老闆李澤楷的鼓勵說話，他對城城說﹕「I am sure you will do great」。而一身銀色面裝Look，行銀色旅程上台的城城再三多謝公司支持，並收到公司送給他的「水晶掛畫」、「無上限宣傳費用」如意玉璽三份厚禮以表厚愛，還播出城城的新歌《銀色公路》MV供大家欣賞。
國語碟做頭炮
城城表示加入大國文化後，會先出國語碟，因為已有5年沒出國語碟，新碟也不會有廣東歌。他又說﹕「加盟新公司，好似搵到好人家結婚咁，希望可以做音樂劇，係我嘅最大夢想，因為可以將歌、舞、演戲三樣嘢一次過表演。希望我嘅事業好似《銀色公路》嘅歌詞『這條銀色公路也許滿途荊棘，卻有你鼓舞』一樣。（公司話會畀無上限宣傳你喎﹗）我一向都好慳，希望有好嘅創意同宣傳結合啦﹗」
問到跟新公司簽了多少年約，城城沒有確實的答案，只說﹕「幾年啦﹗如果公司好當然唔想走啦﹗（傳你以半億簽約﹖）傾酬金都係交畀小美，我自已着重可唔可以推動我嘅事業同理想。以前同李進喺舊公司合作都好有默契，希望再有新火花﹗」
兩年籌備新劇
對於有傳城城會參演亞洲版的《歌聲魅影》，對此，城城回應﹕「呢個係其中一個計劃，都有幾個劇本畀我揀，而我個人就比較想做新劇。」（有傳華仔想同你爭做公司頭炮音樂劇歌手﹖）做音樂劇冇得急，我只希望成功。我相信要2年時間我先做到，因為排舞要大半年，重要選角﹗（即係唔介意華仔做先﹖）冇所謂﹗（咁會唔會做演唱會﹖）冇落實，不過我希望可以做音樂劇先﹗」
今年41歲的城城更揚言要在45歲前會做到音樂劇，看來雄心勃勃。問到加盟新公司後，工作一浪接一浪，那豈有時間拍拖﹖城城笑言﹕「哈哈﹗暫時同工作結婚，個個人理想唔同，可能自己嘅方向目標令我忘記正常生活，老土啲講句﹕暫時放低兒女私情﹗」
)
