合 演 夫 妻 有 讚 冇 彈
多 年 前 楊 采 妮 曾 與 郭 富 城 拍 攝 金 飾 廣 告 ， 又 擔 任 過 城 城 《 You & Me 》 MV 女 主 角 ， 今 次 拍 攝 電 影 《 父 子 》 ， 在 兩 人 眼 中 ， 雙 方 雖 改 變 不 少 ， 但 同 樣 有 讚 冇 彈 。城 城 談 Charlie ： 添 女 人 味
城 城 說 ： 「 都 唔 明 當 年 公 司 點 解 會 搵 一 個 女 人 樣 男 仔 頭 做 女 主 角 ， 我 記 得 初 時 見 到 Charlie ， 諗 住 佢 一 定 係 個 好 溫 柔 女 仔 ， 點 知 原 來 佢 係 一 個 男 仔 。 今 次 見 番 Charlie ， 女 人 味 多 好 多 ， 我 好 欣 賞 佢 份 人 好 有 愛 心 ， 睇 完 佢 飾 演 阿 媽 戲 份 ， 我 更 加 深 信 Charlie 他 日 必 定 係 一 個 好 老 婆 同 好 媽 媽 。 」
Charlie 談 城 城 ： 似 大 細 路
Charlie 則 說 ： 「 當 年 要 同 天 王 拍 MV ， 我 好 緊 張 ， 好 彩 佢 成 日 都 同 我 講 笑 等 我 輕 鬆 。 佢 最 得 人 鍾 意 係 擁 有 童 真 ， 講 真 一 個 藝 人 娛 樂 圈 做 咁 多 年 ， 仲 可 以 保 留 到 一 份 童 真 係 好 難 得 事 ， 城 城 就 做 得 到 。 咁 多 年 冇 見 佢 ， 都 依 然 好 似 一 個 大 細 路 咁 ， 所 以 我 覺 得 佢 做 人 老 竇 話 ， 一 定 會 好 識 得 同 小 朋 友 相 處 。 」
另 一 方 面 ， 《 父 子 》 成 為 羅 馬 電 影 節 的 競 賽 影 片 ， 獲 提 名 競 逐 最 佳 電 影 、 最 佳 男 、 女 主 角 等 獎 項 。
城 城 和 Charlie 前 晚 與 導 演 譚 家 明 及 飾 演 城 城 兒 子 的 吳 景 滔 出 發 參 加 羅 馬 電 影 節 ， Charlie 表 示 她 與 導 演 皆 是 天 主 徒 ， 到 後 會 馬 上 往 梵 蒂 岡 朝 聖 ， 她 又 謂 希 望 導 演 能 憑 此 片 奪 最 佳 電 影 獎 ， 譚 家 明 則 表 示 最 想 城 城 得 獎 。 城 城 則 謂 戒 了 煙 12 年 ， 但 為 了 該 戲 又 要 再 吸 煙 。
城 城 、 Charlie 和 在 片 中 飾 演 城 城 兒 子 的 吳 景 滔 前 晚 出 發 參 加 羅 馬 電 影 節 。
城 城 和 楊 采 妮 最 近 合 作 電 影 《 父 子 》 ， 飾 演 一 對 夫 妻 。 劇 照
93 年 時 ， 城 城 和 初 出 道 的 楊 采 妮 拍 攝 首 飾 廣 告 ， 令 人 印 象 難 忘 。資 料 圖 片
城 城 、 采 妮 絕 種 好 男 女 一 拍 即 合
講 「 我 願 意 」 ， 易 過 借 火 ， 可 以 不 需 要 三 秒 ， 但 這 三 個 字 說 出 口 ， 要 背 負 的 責 任 卻 是 一 生 一 世 的 。說 「 離 婚 」 ， 好 像 更 容 易 ， 現 代 夫 妻 稍 有 拗 撬 ， 就 忘 了 當 日 的 誓 言 。
現 代 人 的 婚 姻 觀 念 難 與 從 前 相 比 ， 郭 富 城 和 楊 采 妮 都 無 法 接 受 。 還 有 人 會 憧 憬 公 主 與 王 子 永 遠 過 幸 福 快 樂 的 生 活 嗎 ？ 郭 富 城 和 楊 采 妮 就 是 這 一 類 瀕 臨 絕 種 的 人 ， 等 待 一 段 天 長 地 久 的 關 係 出 現 。 既 然 婚 姻 觀 念 相 同 ， 如 果 … … 他 們 兩 個 拉 埋 … …
郭 富 城 傳 統 大 男 人
曾 說 過 不 到 30 歲 不 失 身 的 郭 富 城 ， 早 已 到 了 適 婚 年 齡 ， 近 年 他 經 常 被 問 及 終 生 大 事 ， 城 城 的 答 案 千 篇 一 律 ： 「 感 情 事 都 唔 到 我 去 心 急 ， 都 係 順 其 自 然 啦 ， 事 業 上 我 仍 然 有 好 多 夢 想 未 實 現 ， 好 似 係 音 樂 劇 、 電 影 … … 」 話 題 又 再 在 他 牽 引 下 回 到 工 作 理 想 上 。
盡 力 維 繫 婚 姻
對 上 一 次 與 城 城 扯 上 關 係 的 女 星 ， 是 日 本 性 感 尤 物 藤 原 紀 香 ， 自 此 之 後 ， 身 邊 女 人 欠 奉 。 城 城 自 言 意 中 人 遲 遲 未 出 現 ， 並 非 他 要 求 高 ， 而 是 沒 有 空 尋 覓 ， 他 日 前 接 受 訪 問 時 說 ： 「 我 唔 係 唔 想 拍 拖 、 唔 想 結 婚 ， 我 真 係 冇 時 間 去 搵 對 象 ， 開 完 演 唱 會 後 就 拍 戲 ， 拍 戲 後 都 係 拍 戲 ， 工 作 一 樣 接 一 樣 ， 我 都 唔 知 邊 度 仲 有 時 間 『 唧 』 到 出 搵 女 朋 友 。 」 聽 來 像 是 投 訴 ， 城 城 笑 說 連 母 親 由 最 初 恨 飲 新 抱 茶 ， 到 現 在 連 問 都 懶 ， 他 說 ： 「 我 媽 咪 四 、 五 年 前 都 好 緊 張 我 拍 拖 未 ， 佢 由 開 頭 成 日 講 出 口 話 恨 飲 新 抱 茶 ， 到 家 口 水 已 經 流 流 盡 ， 索 性 唔 再 問 。 」 城 城 表 示 多 年 來 都 沒 有 帶 過 任 何 一 個 女 朋 友 回 家 給 母 親 過 目 。
沒 有 女 友 ， 卻 憧 憬 做 好 老 公 和 好 父 親 ， 城 城 表 示 自 從 拍 完 《 父 子 》 後 ， 更 自 覺 將 來 會 是 個 好 爸 爸 ， 他 說 ： 「 套 戲 入 面 我 係 做 一 個 好 衰 老 公 ， 爛 賭 不 特 止 ， 仲 要 借 落 周 身 債 ， 天 下 間 點 可 以 有 咁 賤 格 男 人 ？ 我 覺 得 一 個 女 人 同 你 結 婚 ， 你 就 要 畀 到 佢 幸 福 ， 唔 可 以 做 令 佢 傷 心 事 ， 呢 樣 係 做 老 公 基 本 條 件 。 」
城 城 認 為 他 日 結 婚 ， 一 定 會 盡 最 大 努 力 維 繫 婚 姻 ， 當 然 妻 子 紅 杏 出 牆 是 絕 對 不 可 原 諒 ， 但 其 他 錯 失 和 夫 妻 間 的 問 題 他 都 希 望 盡 力 解 決 ， 他 續 說 ： 「 當 你 對 另 一 半 講 『 我 願 意 』 呢 三 個 字 時 候 ， 就 代 表 一 份 永 承 諾 同 責 任 ， 所 以 唔 應 該 有 少 少 問 題 就 中 途 放 棄 ， 將 來 我 結 婚 話 ， 必 定 會 竭 盡 所 能 去 做 一 個 稱 職 老 公 。 」
「 唔 畀 太 太 做 」
城 城 自 言 是 一 個 傳 統 大 男 人 ， 他 有 這 種 思 想 ， 全 拜 父 親 所 賜 。 在 城 城 眼 中 ， 父 親 是 一 個 家 庭 觀 念 極 重 的 人 ， 他 說 ： 「 我 爸 爸 係 做 金 行 管 數 ， 每 日 佢 都 係 成 間 公 司 最 夜 收 工 個 ， 佢 好 努 力 工 作 ， 將 最 好 畀 晒 屋 企 ， 媽 咪 就 係 全 職 家 庭 主 婦 照 顧 我 ， 所 以 由 細 到 大 ， 我 覺 得 男 人 就 係 應 該 擔 起 成 頭 家 。 他 日 我 結 婚 ， 一 定 唔 會 畀 太 太 出 去 做 ， 佢 只 要 放 心 留 屋 企 照 顧 小 朋 友 ， 經 濟 上 佢 唔 使 擔 心 ， 到 時 我 一 定 會 減 少 工 作 ， 抽 多 時 間 畀 屋 企 ， 咁 樣 先 係 一 個 有 責 任 感 老 公 同 老 竇 。 」 城 城 透 露 婚 後 想 生 一 子 一 女 ， 湊 成 一 個 「 好 」 字 ， 更 希 望 是 先 生 仔 後 生 女 ， 果 然 是 一 個 不 折 不 扣 的 傳 統 大 男 人 ！
楊 采 妮 一 定 要 結 婚
在 《 父 子 》 中 飾 演 郭 富 城 妻 子 的 楊 采 妮 （ Charlie ） ， 首 次 扮 演 母 親 角 色 ， 她 笑 言 可 以 將 潛 在 的 母 愛 一 次 過 發 揮 出 來 。 Charlie 自 幼 已 很 喜 愛 家 庭 生 活 ， 是 個 一 定 要 結 婚 的 女 人 ， 但 她 有 個 宗 旨 ， 就 是 「 一 係 唔 結 ， 結 就 唔 想 離 婚 」 。
再 見 亦 是 朋 友
Charlie 日 前 解 釋 ： 「 以 前 年 紀 細 拍 拖 ， 一 唔 鍾 意 、 唔 開 心 就 會 話 分 手 ， 好 易 就 放 棄 一 段 感 情 ， 但 人 大 諗 法 都 改 變 ， 知 道 一 段 感 情 最 難 地 方 係 點 樣 去 維 繫 ， 點 樣 去 互 相 尊 重 。 婚 姻 係 一 個 承 諾 ， 雙 方 愛 大 家 先 至 會 結 婚 ， 點 解 婚 後 要 為 一 小 問 題 就 鬧 離 婚 呢 ？ 如 果 他 日 咁 唔 好 彩 行 到 離 婚 呢 一 步 ， 我 諗 我 唔 係 咁 易 承 受 到 。 」
在 多 次 的 戀 愛 經 驗 中 ， Charlie 慶 幸 遇 到 的 都 是 好 男 人 ， 雖 然 與 舊 愛 邱 韶 智 拍 拖 10 年 ， 最 終 也 分 手 收 場 ， 但 再 見 亦 是 朋 友 ， 她 說 ： 「 點 解 分 手 就 唔 可 以 做 朋 友 呀 ？ 我 同 佢 關 係 唔 係 報 道 寫 得 咁 差 ， 分 手 之 後 我 變 成 一 對 好 好 朋 友 ， 就 算 佢 家 拍 緊 拖 都 有 話 畀 我 知 ， 我 都 好 戥 佢 開 心 。 」 Charlie 當 年 視 邱 韶 智 為 結 婚 對 象 ， 可 惜 兩 人 最 後 未 能 開 花 結 果 。 問 她 會 否 感 到 可 惜 ， 她 聳 聳 肩 說 ： 「 我 同 佢 同 甘 共 苦 過 好 多 日 子 ， 大 家 一 刻 好 想 繼 續 事 業 上 再 建 立 多 ， 如 果 當 時 咁 早 結 婚 ， 我 同 佢 心 智 都 未 成 熟 ， 根 本 就 唔 係 回 事 。 雖 然 最 後 我 都 分 開 ， 不 過 我 每 次 拍 拖 都 好 認 真 ， 都 會 視 另 一 半 係 終 身 伴 侶 。 」
等 待 真 命 天 子
Charlie 與 城 城 一 樣 ， 近 年 不 停 被 問 到 婚 期 ， 但 她 不 想 因 為 結 婚 而 結 婚 ， 她 說 ： 「 我 都 講 過 我 心 目 中 婚 姻 係 一 生 一 世 ， 兩 個 人 用 一 世 時 間 去 維 繫 呢 段 婚 姻 ， 所 以 我 覺 得 唔 可 以 用 時 間 限 制 自 己 去 搵 一 個 男 人 ， 之 後 就 聲 走 去 結 婚 ， 到 時 離 婚 咪 仲 時 間 ， 既 然 呢 個 人 未 出 現 咁 我 咪 等 先 ， 好 過 因 快 得 慢 ， 我 真 係 唔 想 結 婚 NG 呀 。 」
攝 影 ： 林 德 雄
場 地 提 供 ： The Landmark Mandarin Oriental
郭 富 城 和 楊 采 妮 自 認 思 想 傳 統 ， 男 的 主 張 「 男 主 外 、 女 主 內 」 ， 女 的 揚 言 一 定 要 結 婚 。
郭 富 城 近 年 只 和 藤 原 紀 香 傳 過 緋 聞 ， 他 揚 言 工 作 太 忙 ， 沒 空 結 識 另 一 半 。 資 料 圖 片
郭 富 城 丁 蟹 上 身
不 少 藝 人 靠 樣 搵 食 ， 他 們 往 往 要 搶 先 一 步 ， 創 造 潮 流 ， 除 了 服 飾 外 ， 髮 型 更 要 時 常 轉 變 ， 不 過 ， 換 新 髮 型 好 容 易 「 出 事 」 ， 有 不 少 藝 人 的 髮 型 都 騎 呢 過 、 古 怪 過 ， 幾 乎 笑 死 街 坊 。 留 了 長 髮 多 年 的 鄭 伊 健 最 近 玩 鏟 青 ， 新 造 型 竟 似 走 私 大 王 賴 昌 星 ； ●郭 富 城 曾 經 以 丁 蟹 頭 宣 傳 歌 曲 《 ●有 效 日 期 》 ， 他 回 頭 一 看 也 會 嚇 到 噴 飯 ； 薛 凱 琪 更 慘 ， 因 拍 劇 剪 短 頭 髮 而 被 封 長 頸 鹿 。 一 句 講 晒 ， 可 以 亂 食 ， 髮 型 不 可 亂 轉 。 撰 文 ： 林 妃●郭 富 城 丁 蟹 上 身
●郭 富 城 憑 樣 帥 舞 勁 縱 橫 樂 壇 ， 但 天 王 都 會 失 手 ， 有 一 段 時 間 他 竟 然 剪 了 一 個 丁 蟹 頭 ， 宣 傳 歌 曲 《 有 效 日 期 》 ， 見 他 前 額 齊 蔭 ， 恍 如 《 大 時 代 》 鄭 少 秋 主 演 的 丁 蟹 上 身 般 ， 唱 出 「 下 班 車 ， 風 景 已 變 了 容 貌 … … 」 搞 笑 非 常 ， 幸 好 他 最 終 醒 悟 ， 剪 回 短 頭 髮 ， 回 復 他 昔 日 容 貌 。
蘋 果 日 報 Apple Daily Online