「 費 事 老 人 家 一 場 歡 喜 」
城 城 拒 帶 熊 黛 林 回 家 過 節

郭 富 城 與 名 模 熊 黛 林 雖 然 多 次 被 拍 下 約 會 的 照 片 , 不 過 兩 人 從 未 公 開 戀 情 。 城 城 昨 日 出 席 宣 傳 活 動 時 揚 言 與 熊 黛 林 只 是 朋 友 關 係 , 又 坦 言 從 未 試 過 帶 異 性 朋 友 見 家 人 , 他 覺 得 要 視 之 為 結 婚 對 象 的 女 友 才 可 帶 回 家 , 看 來 城 城 與 熊 黛 林 的 感 情 仍 未 穩 定 , 他 寧 願 帶 冰 皮 月 餅 回 家 過 節 , 也 不 願 帶 熊 黛 林 回 家 。

郭 富 城 昨 日 以 皇 帝 的 姿 態 到 金 鐘 為 月 餅 品 牌 宣 傳 , 同 場 有 五 位 女 模 特 兒 手 持 冰 皮 月 餅 與 城 城 合 照 , 而 坦 言 希 望 在 46 歲 前 成 家 立 室 的 城 城 見 到 童 星 Jacky 仔 時 , 更 盡 顯 父 愛 , 親 手 餵 對 方 食 月 餅 。

提 緋 聞 詐 扮 懵 雖 然 現 年 41 歲 的 城 城 與 熊 黛 林 的 緋 聞 傳 得 熱 烘 烘 , 兩 人 更 不 時 被 拍 下 約 會 的 照 片 , 不 過 城 城 似 乎 仍 未 肯 承 認 對 方 的 女 友 身 份 , 昨 日 他 被 追 問 中 秋 節 會 否 帶 女 友 回 家 過 節 時 , 他 便 寧 願 帶 月 餅 也 不 肯 帶 女 友 回 家 , 城 城 說 : 「 帶 冰 皮 月 餅 去 會 熱 鬧 , 過 去 我 都 從 來 未 試 過 帶 異 性 返 屋 企 , 因 為 一 定 要 好 穩 定 先 , 唔 係 帶 返 去 媽 咪 會 以 為 係 終 生 伴 侶 同 結 婚 對 象 , 費 事 畀 老 人 家 一 場 歡 喜 一 場 空 啦 , 媽 咪 亦 都 從 來 冇 追 問 過 我 緋 聞 , 近 呢 幾 年 佢 對 我 成 家 立 室 渴 望 已 減 低 。 」
問 城 城 現 時 的 感 情 生 活 是 否 已 經 有 眉 目 時 , 他 竟 然 說 : 「 一 日 未 結 婚 , 一 日 都 未 有 眉 目 , 自 己 工 作 放 重 心 , 拍 拖 好 低 調 , 同 熊 小 姐 係 朋 友 , 有 冇 得 發 展 就 隨 緣 啦 。 自 己 最 想 完 成 做 音 樂 劇 個 夢 想 先 成 家 立 室 , 起 碼 五 年 後 , 到 時 自 己 係 46 歲 , 我 唔 擔 心 同 小 朋 友 有 代 溝 呢 個 問 題 , 因 為 自 己 都 係 一 個 大 細 路 , 總 之 有 落 我 就 一 定 同 大 家 講 。 」
不 過 提 到 早 前 多 次 被 拍 下 與 熊 黛 林 約 會 的 照 片 時 , 城 城 即 扮 說 : 「 冇 可 能 , 影 到 我 一 個 人 咋 , 我 係 同 我 個 男 朋 友 一 齊 , 係 男 性 朋 友 呀 。 」
採 訪 : 駱 華 齡
攝 影 : 仇 志 德

郭 富 城 表 示 想 在 46 歲 前 成 家 立 室 , 昨 日 他 看 見 Jacky 仔 即 洋 溢 父 愛 , 餵 他 吃 月 餅 。

城 城 獲 Jacky 仔 餵 月 餅 回 禮 , 他 也 張 大 嘴 巴 樂 意 接 受 。



刊於08月15日 蘋果日報

壹傳媒互動有限公司 atnext.com 版權所有 不得轉載